Máttur matarins

Maður Lifandi birti fyrir nokkru umfjöllun á facebook um goji ber. Það vill svo til að ég keypti goji ber fyrir nokkrum vikum og hef ekki vitað hvað ég á að gera við þau. Ég las umfjöllunina og fannst hún virkilega skemmtileg og fróðleg. Ég hef því ákveðið að birta hana hér í heilu lagi þannig að þeir sem eru ekki vinir Maður Lifandi eða eru ekki á facebook, geta lesið hana hér:

,,Goji ber eru Hamingjuber

Þessi eldrauðu og krafmiklu ber hafa verið notuð um aldir í austurlenskum lækningum. Goji berin eru upprunalega frá Tíbet og eru ræktuð þar í miklum mæli, og einnig eru þau ræktuð um allt sunnanvert Kína og norðanvert Indland. Berin eru ræktuð á sígrænum runna sem vex í 1-3metra hæð eftir vaxtaskilyrðum. Þegar berin eru fullþroska eru þau mjög mjúk og eru hrist af trjánum til að koma veg fyrir að þau springi. Það er margra alda hefð hjá íbúum Himalya fjalla og Tíbet að fagna uppskerutíma Goji berja og er þau kölluð hamingjuber vegna áhrifa þeirra á heilsu og heilbrigði, andlega og líkamlega.

Goji-berin hafa mjög háan andoxunarstuðul og andoxunarefnið, polysaccharides í Goji berjunum er talið sérlega afkastamikið, styrki frumurnar hratt og örugglega og styrki þar með ónæmiskerfið á undrahraða. Einnig eru þau talin gefa mikla orku og draga úr þreytueinkennum, auka á almenna vellíðan og eru sögð draga úr matarlyst og ofáti.
Þau auka á framleiðslu svokallaðra T-fruma og hvetja hvítu blóðkornin til hreinsunarstarfa. Þau eru talin mjög góð fyrir sjónina, vernda lifrina, styrkja blóðrásina , auka kynhvöt, örva sæðismyndun hjá karlmönnum, viðhalda æsku og lífsþrótti.og eru talin stuðla að betri svefni.

Goji berin innihalda flest þau næringarefni sem við þurfum til að halda góðri heilsu. Þau innihalda 500 sinnum meira C-vítamín en appelslínur, mjög hátt magn af karótíni og fjölda B-og E vítamína. Einnig innihalda þau a.m.k. 18 amínósýrur og mikið mafn af steinefnum, s.s. sink, járn, kopar, kalk, selen og fosfór.

Mælieiningin ORAC stendur fyrir “oxygen radical absorbance capacity” og mælir heildar andoxunarmælikvarða bætiefna og annarra fæðutegunda. Goji berin mælast á ORAC skalanum með 25.300 einingar á meðan bláber hafa 2.400, jarðarber 1.540, spinat 1.540, appelsínur 750. Það er því óhætt að segja að þessi vara er óvenjuleg.

Goji berjasafinn smakkast mjög vel og er mælt með því að taka 1-2 matsk. af honum á dag. Það er líka sniðugt að blanda honum í morgundrykkinn sinn. Af berjum er mælt með ca. 20-40 berjum á dag og er hægt að nota þau líka í matreiðslu ýmiss konar, s.s. í salöt og súpur.

Safi úr Goji berjum er mjög vinsæll meðal íbúa Austurlanda og víðast í Evrópu má nú sjá Goji ber og Goji safa í hillum heilsuverlana og nú fást einnig bæði ber og Goji safi á Íslandi í heilsuvöruverlunum og í sumum apótekum.

Þetta er því rétti tíminn til að hressa upp á líkama og sál með einni af heimsins mestu hollustu afurð.”

Ég vaknaði svo í morgun og bjó til hafragraut með goji berjum. Hann var virkilega góður. Ég notaði þurrkuð goji ber og sauð þau allan tímann með grautnum. Mæli með því að fólk prófi það.

Filed under: goji ber, Greinar, Morgunmatur, B-vítamín, C-vítamín, E-vítamín, Goji ber, Hár andoxunarstuðull, Járn, Kalk