Máttur matarins

Fyrir venjulegt fólk er stórt skref að byrja að kaupa öll matvæli lífrænt ræktuð. Þess vegna er gott að upplýsa fólk um það hvaða matvæli er mikilvægt að kaupa lífrænt ræktuð og hvaða matvæli er í lagi að sleppa að kaupa lífrænt ræktuð. Ávextir og grænmeti drekka mismikið af áburði og eiturefnum í sig og það er því mælikvarðinn á hve mikilvægt er að þau séu lífrænt ræktuð. Yfirleitt er hægt að miða við hýðið á viðkomandi mat, t.d. er óhætt að kaupa ananas og avókadó þótt þau séu ekki lífrænt ræktuð þar sem hýðið á þeim er þykkt og eiturefni fara ekki auðveldlega í gegnum það. Á hinn bóginn drekkur sellerí og jarðaber mjög mikið af eiturefnum í sig og þess vegna er mikilvægt að kaupa þau lífrænt ræktuð. Sýnt hefur verið fram á að ef að þessar ákveðnu fæðutegundir eru keyptar lífrænt ræktaðar er hægt að minnka eiturefni frá matvælum í líkamanum um allt að 80% (sjá heimild og sjá einnig nánar hér). Þetta er sérstaklega mikilvægt ef að börn eru á heimilinu, því að þeirra líkami og ónæmiskerfi er ekki jafn tilbúið að vinna úr eiturefnunum eins og líkamar fullorðinna. Hér að neðan er listi sem birtist á heimasíðu Enviromental Working Group þar sem gert er grein fyrir þeim matvælum sem mikilvægast er að kaupa lífrænt ræktuð. Listinn byrjar á þeim matvælum sem draga í sig minnst af eiturefnum og endar í þeim matvælum sem mikilvægast er að kaupa lífrænt ræktuð. Þess ber að geta að þegar talað er um innflutt og innlent er um að ræða innflutt til Bandaríkjanna eða innlendar vörur ræktaðar í Bandaríkjunum.

Síðastliðna daga hafa verið sýndir þættir á CNN sem heita Toxic America. Sanjay Gupta, læknir og fréttamaður CNN, er stjórnandi þáttarins. Þátturinn fjallar um öll þau eiturefni sem eru í umhverfi okkar, hvort sem það er í matnum sem við borðum, hreinsiefnunum sem við notum, á skónum sem við göngum á, í andrúmsloftinu eða í sófanum sem við horfum á sjónvarpið í. Það er mjög margt sem að hægt er að gera til að lágmarka okkar snertingu við eiturefni. Þau atriði sem ég hjó hvað mest eftir í umfjölluninni voru þessi:

- Geyma skótau fyrir utan húsið. Þetta er sérstaklega mikilvægt ef að einhver innan heimilisins vinnur í starfi þar sem notkun eiturefna er mikil.

- Hafa glugga opna. Sýnt hefur verið fram á að eiturefni í andrúmsloftinu eru nánast undantekningarlaust minni en innan heimilisins. Þetta getur því minnkað líkurnar á astma hjá börnum auk annarra sjúkdóma.

- Versla lífrænt ræktaðan mat. Á heimasíðu þáttanna er listanum hér að ofan skipt í tvennt, þ.e.a.s. lista yfir skítugu ávextina og grænmetið og hins vegar þá hreinu. Sjá nánar hér.

- Hafa lifandi plöntu á heimilinu. Planta getur dregið í sig mjög mikið magn eiturefna.

- Nota gler- og stálílát í staðin fyrir plastílát. Stór hluti plastíláta inniheldur efnið Bisphenol A eða BPA sem rannsóknir sýna að geti haft áhrif á hormónaframleiðslu og vöxt, þroska og heilastarfsemi barna (sjá nánar hér)

- Nota ekki teflonpönnur. (sjá nánar hér)

Á heimasíðu þáttanna eru einnig fjölbreyttar upplýsingar um það hvernig hægt er að lágmarka tilvist eiturefna innan heimilisins, auk annarrar fróðlegrar umfjöllunar. Slóðina er að finna undir heimasíður hægra megin á síðunni.

Filed under: Fæðutegundir, Greinar, Rannsóknir, börn og eiturefni, Eiturefni í mat, Lífrænt ræktað eða ekki?