Máttur matarins

Ég er voða hrifin af pure Ebbu og hef gaman af að horfa á þættina hennar á mbl sjónvarpi. Í einu myndbrotinu hennar þá gerir hún goji sjeik með kasjúahnetum og fleira góðgæti. Ég er að sjálfsögðu búin að prófa að gera hann og ég get ekki sagt annað en að hann hafi vakið mikla lukku á mínun heimili. Dóttir mín fékk að fara með sinn í bað og drakk hann upp til agna. Mér finnst æðislegt að setja tahini í hann. Loksins finnur maður leið til að nota þetta næringarríka mauk sem ég hef hingað til einungis notað í hummus og einstaka salatdressingu.Ég hef svo aðeins þróað þennan sjeik eftir mínu höfði. Ég er rosalega hrifin af hamp fræjunum og nota þau eins mikið og ég mögulega get. Þess vegna setti ég 2 msk. af hamp fræjum í staðin fyrir kasjúahneturnar. Þetta gerði mér lífið aðeins auðveldara þar sem ekki þarf að leggja flysjuð hamp fræ í bleyti. Síðan gerði ég uppskriftina nánast alveg eins og Pure Ebba nema ég bætti 1 tsk. af macha te-i út í hann, til að gera hann enn meira ofurfæði og gefa mér smá kickstart fyrir daginn því ég átti langan dag framundan.

Mín útgáfa af sjeiknum er þá ríkur af bæði omega 3 og omega 6, en í góðum hlutföllum þökk sé hamp fræjunum. Hann inniheldur mjög mikið af andoxunarefnum bæði vegna goji berjanna og mangósins en ekki síður vegna macha te-sins. Mér finnst alltaf gott að setja smá matcha te út í sjeika sem innihalda vanillu og mangó. Eins og ég hef fjallað um áður þá er macha te hreinasta tegundin af grænu te-i sem fyrirfinnst. Matcha te kemur í fíngerðu dufti og er talið innihalda margfalt meira magn andoxunarefna en venjulegt grænt te. Ég panta mitt græna te hjá Mountain Rose Herbs en það á hefur hins vegar fengist í Te og kaffi og einhverjum heilsubúðum hér á landi.

Í þriðja skiptið sem ég gerði þennan sjeik þá setti ég líka golden berries út í hann. Þau eru súr og mjög rík af a-vítamíni. Ég er hrifin af súru þannig að mér fannst þau gera sjeiknum gott. Ég prófaði líka að setja stevíu í staðin fyrir yacon duftið en ég var ekki sérlega hrifin af því. Ég hef lítið notað stevíu en er aðeins að prófa mig áfram með hana. Mér finnst eiginlega hálfgert gervibragð af henni og svo verð ég eiginlega að viðurkenna að allt sem hljómar of gott til að vera satt er eitthvað spúkí að mínu mati. Stevía á að vera 100-200 sinnum sætari en sykur og hækka blóðsykurinn ekki neitt. Ótrúlega magnað ef að það er rétt og ef þessi jurt hefur engin önnur áhrif á líkamann til hins verra. Ég held ég haldi mig samt bara við hunangið, maple sírópið og döðlurnar í bili. Er kannski pínu íhaldsöm þegar kemur að sætuefnum en maple sírópið er í mestu uppáhaldi hjá mér vegna þess hve næringarríkt það er. Ég reyni alltaf að borða mat með það í hug að ég sé að næra líkama minn. Þettta lærði ég í Vancouver, þar sem fólk hugsar meira um að nærast en að mettast. Maple síróp og hunang eru líklega næringarríkustu sætuefnin. Mig langar að mæla sérstaklega með einu hunangi sem heitir Guardian Angel Honey og er frá fyrirtækinu Sonnentor. Þetta hunang er rosalega næringarríkt. Það inniheldur bæði bee pollen og royal jelly sem eru hvor um sig alveg sérstaklega næringarrík. Bee pollen á að innihalda öll þau næringarefni sem líkaminn þarf til að starfa eðlilega. Royal jelly er síðan efnið sem býflugnadrottningar lifa á og gerir þær sérstaklega frjósamar. Royal jelly er sérstaklega ríkt af b-vítamínum og amínósýrum. Royal jelly er talið vinna gegn fjölda sjúkdóma, m.a. krabbameini, vera sérstaklega gott við ófrjósemi og fyrirtíðarspennu. Royal jelly er bólgueyðandi og má því ætla að sá þáttur hafi einnig áhrif á fyrirbyggjandi virkni þess gegn krabbameinsmyndun.

Þessi færsla verður nú seint kölluð lífleg en ég mun bæta úr því von bráðar með færslum með uppskriftum og myndum. Þangað til, borðum hollt og brosum.

Filed under: Drykkir, goji ber, mangó, matcha grænt te, sætindi, Vegan