október 13, 2012 • 10:41 AM Comments Off
Uppskriftin inniheldur eftirfarandi krabbameinshamlandi fæðutegundir:
Ávextir: banani, mangó
Grænmeti: gulrætur
Hnetur og fræ: sesamfræ (tahini), hampfræ (hamp prótein)
Krydd: engifer
2/3 bolli hrísmjólk með kókos
2/3 bolli gulrótasafi
1 tsk. tahini
smá bútur af engiferi
1 tsk. bee pollen
1 bolli frosið mangó
1 banani
1-2 msk. hemp prótein
Allt sett í blender og drukkið með bros á vör.
Filed under: bananar, Drykkir, engifer, gulrætur, mangó, Morgunmatur, sesamfræ, Vegan
september 19, 2012 • 1:25 PM Comments Off
Mig langar að halda aðeins áfram með stálslegnu hafrana sem eru í miklu uppáhaldi hjá mér. Í dag fékk ég mér graut í hádegismat. Fyrir þá sem ekki vita get ég borðað hafragraut í öll mál með bros á vör. En af því ég er aðeins að reyna að minnka kolvetnin í mínu mataræði og bæta inn próteinum úr jurtaríkinu hef ég verið að minnka hafrarna í grautnum og setja kínóa og amaranth í staðinn.
Kínóa er algjört ofurfæði – próteinríkt og stútfull af bólguhamlandi plöntuefnum sem og ríkt af fjöldanum öllum af öðrum næringarefnum. Í bókinni Life over cancer fjallar Keith I. Block, MD, um mikilvægi þess að borða próteinríka fæðu á meðan á krabbameinsmeðferð stendur. Í bókinni segir m.a. ,,Nutritionists have long recognized that during times of physical stress (and chemotherapy, radiation, and surgery certainly count as stress), the body’s need for energy and protein increases. Protein is especially crucial, since during cancer treatment you are likely to experience tissue breakdown and stress on both your immune system and your liver’s chemical detoxification system; all of these can be stabilized and reversed by boosting your protein consumption”. Í lauslegri þýðingu segir Block að þegar líkaminn er að ganga í gegnum streitu þurfi hann á aukinni orku og próteinum að halda. Hann telur prótein sérstaklega mikilvægt þar sem á meðan á krabbameinsmeðferð stendur séu auknar líkur á niðurbroti vefja, áhrifum á ónæmiskerfið og hæfni lifrarinnar til afeitrunar – og próteinneysla geti minnkað eða komið í veg fyrir þessi áhrif [sjá Life over cancer bls. 122].
Það sem ég gerði í dag var að minnka hlutfall hafra í grautnum um helming og setja kínóa á móti. Þegar grauturinn var tilbúinn blandaði ég 1 tsk. af hnetusmjöri saman við hann og hálfum banana. Einfalt og gott!
Filed under: bananar, Bækur, hafrar, jarðhnetur, kínóa, Morgunmatur, Vegan
október 25, 2011 • 10:07 PM Comments Off
Uppskriftin inniheldur eftirfarandi krabbameinshamlandi fæðutegundir:
Ávextir: bananar, fíkjur
Hnetur: valhnetur
Uppskrift
3 brún egg
1/8 tsk. vanilluduft (frá Rapunzel)
½ bolli hrásykur
6 fíkjur niðurskornar
½ bolli valhnetur niður skornar
2 bananar maukaðir
6 msk. repjuolía
½ bolli kókosmjólk
2 bollar heilhveiti eða spelt
2 tsk. lyftiduft
½ tsk. matarsódi
¼ tsk. eðalsalt frá pottagaldri
Hitið ofninn í 180°C.
Hrærið eggjum og hrásykri vel saman í skál (gott að nota handþeytara á miðlungshraða). Bætið því næst banana, valhnetum, fíkjum og kókosmjólk saman við. Bætið svo þurrefnunum rólega saman við. Hellið í smurt form og bakið í 40 mínútur eða þar til brauðið er bakað í gegn.
Filed under: bananar, Brauð, pekanhnetur, sætindi
október 3, 2011 • 8:37 PM Comments Off
Í þessum smoothie er ofur-ofur holla te-ið matcha, sem er tegund af grænu te-i sem á uppruna sinn í Japan. Þessi tegund af grænu te-i er talin sú allra hreinasta og er það skærgrænt á lit. Matcha hefur margfalt öflugri virkni en venjulegt grænt te. Í 1/2 tsk af matcha fæst um það bil sama virkni og í 8-10 bollum af venjulegu grænu te-i. Matcha er mjög fínmalað duft sem Japanir notuðu upprunalega sem hefðbundið te en hefur nú aukist neysla þess í allskyns annarri matargerð. Trufflur heilsugúrúanna er gjarnan velt uppúr matcha, matcha er bætt út í soba núðlur og ýmislegt annað og verður maturinn þá yfirleitt fallega grænn á lit.
Þegar ég bjó í Vancouver var ég vön að fá mér smoothie sem kallast Matcha monsoon og hugmyndin að þessum smoothie kemur frá honum. Ég er búin að reyna ýmsar tegundir en tókst ekki fyrr en nú að gera hann sérstaklega góðan. Svo ákvað ég fyrir um það bil viku síðan að hætta að drekka kaffi þar til ég er búin með mastersritgerðina mín og matcha te er því að gera góða hluti fyrir mig þessa dagana. Annað te sem ég er gjörsamlega fallin fyrir er svo Chai te. Ég hef alltaf kunnað vel að meta það en núna þegar ég átta mig á hve góð áhrif það hefur á einbeitinguna mína þá drekk ég það enn meira. Chai te inniheldur mikið af frábærum kryddum sem hafa mikil anti cancer áhrif. Þetta eru krydd eins og kardimommur, engifer, anís, svartur pipar og negull. Hreinlega lovely!
Uppskriftin inniheldur eftirfarandi krabbameinshamlandi fæðutegundir:
Ávextir: banani
Fræ: hörfræ/chia fræ
Te: matcha grænt te
Annað: ab-mjólk
Uppskrift
fyrir 1
80 ml kókosmjólk (1/2 lítil dós)
1/2 bolli létt ab mjólk
1 tsk. matcha grænt te duft (eða venjulegt grænt te duft)
1/4 tsk. vanilluduft
2 tsk. hörfræ eða chia fræ
1 frosinn banani
klakar
Allt sett í blender og drukkið með bros á vör.
Filed under: bananar, chia fræ, Drykkir, hörfræ, Jógúrt, matcha grænt te, Te, Uppáhalds, Andoxunarefni, Anti Cancer, Banani, chai te, chia fræ, matcha grænt te, smoothie
september 27, 2011 • 2:28 PM Comments Off
Ég er einstaklega mikil hafragrautmanneskja og get auðveldlega borðað hafragraut í kvöldmat á laugardagkvöldi, eins og ég reyndar gerði síðastliðið laugardagskvöld. En fyrst það var nú laugardagskvöld fannst mér alveg ástæða til að gera aðeins meira úr grautnum. Þess vegna ákvað ég að prófa saman hnetusmjör, mórber, kanil og banana. Þetta kom rosalega vel út.
Mig langar aðeins og fjalla um trefjar þar sem ég hef tekið eftir mikilli umræðu og áherslu á djúskúra og detox þar sem einungis eru drukknir nýpressaðir ávaxta- og grænmetissafar. Þessir kúrar eru mjög góðir og gagnlegir í stuttan tíma og hjálpa líkamanum að hreinsa sig og bæta, án þess að þurfa að melta mikið magn af trefjum. Öll orkan sem líkaminn fær úr þessum næringarríku söfum er þannig nýtt í að bæta líkamann og efla heilsu og vellíðan. En þrátt fyrir að kúrar sem þessir séu gott frí fyrir meltinguna þá hef ég líka miklar trú á mikilvægi trefja og er því sannfærð um hollustueiginleika gamla góða hafragrautsins. Þegar ég var að undirbúa mig fyrir námskeið sem ég hélt hjá Krabbameinsfélaginu fyrir stuttu renndi ég í gegnum margar af þeim bókum sem ég á um krabbameinsforvarnir og áhrif fæðu á vöxt og myndun krabbameins og í bókinni Life Over Cancer fjallar Keith Block talsvert um trefjar. Þar segir m.a. –,,Fiber dilutes, binds, inactivates and removes carcinogens, cholesterol, bile acids and various toxic substances.” – Í lauslegri íslenskri þýðingu minni þýðir þetta: Trefjar útþynna, binda, gera óvirk og fjarlægja krabbameinsvaldandi efni, kólesterol, gallsýru og önnur eiturefni úr líkamanum. Höfum þetta í huga!
Uppskriftin inniheldur eftirfarandi krabbameinshamlandi fæðutegundir:
Ávextir: banani, mórber
Krydd: kanill
Kornmeti: hafrar
Hnetur: jarðhnetur
Uppskrift
fyrir 2-3
1 bolli tröllahafrar
2 bollar vatn
2 msk. mórber
1-2 msk. gróft hnetusmjör
örlítið salt
1 banani niðurskorinn
hunang
kanill
Sjóðið saman tröllahafra, vatn, hnetusmjör, mórber og salt þar til grauturinn er orðinn þykkur og hafrarnir hafa dregið í sig vatnið. Hellið í skálar. Skerið niður bananana og dreifið yfir grautinn ásamt kanil og örlitlu hunangi. Berið fram.
Filed under: bananar, haframjöl, hnetur, kanill, mórber, Morgunmatur, Vegan, Trefjar
maí 17, 2011 • 4:15 PM Comments Off
Um helgina las ég nýju bókina hennar Þorbjargar Hafsteinsdóttur sem allt virðist ganga út á þessa dagana. Þetta er falleg bók, flott uppsett og mjög gott innlegg í það fátæklega úrval bóka sem fjalla um heilsutengd málefni á íslensku. Það má hins vegar í raun segja að ég hafi eiginlega spænt bókina í mig, hún er alveg ofboðslega fljótlesin og talsvert mikið um endurtekningar. Meginþemað í lífstíl Þorbjargar er svipað og hjá mörgum þeim aðilum sem ég les eftir í sambandi við krabbameinsforvarnir, þ.e. fæða sem er laus við sykur og hvítt hveiti. Þorbjörg leggur einnig mikla áherslu á holla fitu og próteinríkan mat. Þetta fellur vel að Life Over Cancer prógramminu sem ég fjallaði um fyrir nokkrum vikum og þá sérstaklega fyrir aðila sem eru vannærðir og eru að ganga í gegnum krabbameinsmeðferð eða að byggja sig upp eftir slíka meðferð. Til að gera langa sögu stutta þá má eiginlega segja að ég mæli með bókinni fyrir alla þá sem vilja breyta um lífstíl og taka róttækt skref í átt að heilbrigðara líferni. Fyrir lengra komna er bókin að sjálfsögðu líka fín, en mér fannst kannski á einstaka stað vanta dýpri umræðu, en þó er eitthvað um tilvísanir í heimildir og svo er ágætur listi aftast í bókinni yfir bækur og fleira sem hún mælir með.
En í hvert skipti sem maður les bók eins og þessa þá bæði lærir maður eitthvað nýtt og tekur örlítið nýja stefnu, þó svo að stundum sé það aðeins tímabundið. Hjá mér var það hörfræjaolían sem ég ákvað að bæta inn hjá mér. Ég hef alltaf verið mikill talsmaður omega-3 ríkrar fæðu en yfirleitt notað fræin frekar en olíurnar. Ég nota chia fræ, hamp fræ og hörfræ mikið í smoothie-ana mína og mæli klárlega með því. En eftir að lesa bókina ákvað ég að byrja að nota hörfræjaolíuna líka í smoothie-ana. Þorbjörg leggur einnig mikla áherslu á próteinríka fæðu þannig að ég hef verið að passa að setja hamp duftið út í smoothieana líka. Ég er hrifnari af hamp prótíni heldur en mysupróteininu og nota það þess vegna. Hamp fæ ég aldrei nóg af því að tala vel um. Vonandi fara flysjuðu hamp fræin bara að fást á Íslandi.
Mig langar að enda umræðuna um bókina 10 árum yngri á 10 vikum á því að nefna að bókin inniheldur talsvert mikinn fróðleik um hórmónajafnvægi kvenna og sérstök vandamál tengd bæði óreglulegum blæðingum og breytingaskeiðinu. Þar leggur Þorbjörg mikla áherslu á neyslu hollrar fitu og það hve mikilvægt er að sniðganga sykurinn og hveitið. Þessa upplýsingar tel ég að geti hjálpað mörgum konum að vinna gegn bæði andlegum sem líkamlegum kvillum sem tengjast hórmónaójafnvægi í líkamanum.
Ég hef núna í tvo daga verið að búa mér til smoothie-a tvisvar á dag og ég held að prótínið og fitan í hörfræjaolíunni sé að verða til þess að ég helst södd lengur en áður. Ég verð vel södd og líður vel eftir að drekka þá. Hér koma uppskriftir að smoothie-unum sem ég hef drukkið síðastliðna tvo daga. En fyrst ein falleg mynd sem tekin var á toppi Snæfellsjökuls um helgina.
Uppskriftirnar inniheldur eftirfarandi krabbameinshamlandi fæðutegundir:
Ávextir: jarðaber, banani, límóna, hindber, döðlur, brómber, rifsber, acai ber
Krydd: cayenne pipar
Hnetur og fræ: hemp fræ, hörfræ,
Mettandi morgunsmoothie
fyrir 1-2
1 banani
1 bolli sojamjólk frá Provamel
1 tsk. bee pollen
1 ½ msk. hemp duft
1 ½ tsk. hörfræ
hindber (tæplega 1 bolli)
1 msk. hörfræolía
klakar
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Súkkulaðiparadís
fyrir 1-2
¾ bolli sojamjólk (frá Provamel)
½ bolli vatn
2 ½ tsk. lecitin granules
1 msk. hamp duft
½ tsk. acai duft
2 tsk. hrátt kakó
5 ferskar döðlur
1 stór frosinn banani
1 msk. hörfræjaolía
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Dúllusmoothie
fyrir 1-2
1 bolli sojamjólk
1 banani
1 msk. bee pollen
1 msk. hamp duft
1 msk. hörfræ
1 msk. hörfræolía
1 bolli frosin jarðaber
safi úr ½ límónu
cayenne pipar á hnífsoddi
smá klakar
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Skógarberjasmoothie
fyrir 1-2
¾ bolli sojamjólk frá Provamel
½ bolli vatn
1 msk. hamp duft
1 msk. lecithin granules
1 banani
1 bolli skógarberjablanda
klakar
1 msk. hörfræolía
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Njótið!
Filed under: acai ber, bananar, Bækur, brómber, chili pipar, döðlur, hörfræ, hemp fræ, hindber, jarðaber, Morgunmatur, sítrus ávextir, sojabaunir, Uppáhalds, Vegan, 10 árum yngri á 10 vikum
maí 5, 2011 • 3:04 AM Comments Off
Uppskriftin inniheldur eftirfarandi krabbameinshamlandi fæðutegundir:
Ávextir: avókadó, jarðaber, banani, límóna
Krydd: cayenne pipar
Hnetur og fræ: hemp fræ
Uppskrift
fyrir 2
1 avókadó
2 bollar hemp mjólk (1 msk. flysjuð hemp fræ og 2 bollar vatn)
1 lítill banani
1 bolli frosin jarðaber
safi úr einni límónu
1-2 msk. agave síróp, eftir smekk
1/8 tsk. cayenne pipar
örlítið himalaya salt
Allt sett í blandara og drukkið með bros á vör.
Filed under: avokadó, bananar, chili pipar, hemp fræ, jarðaber, Morgunmatur, sítrus ávextir, Uppáhalds, Uppskriftir, Vegan
mars 9, 2011 • 2:37 AM Comments Off
Þessa dagana er ég að lesa einstaklega athyglisverða og fræðandi bók sem heitir Life over Cancer og er eftir Keith I. Block, MD. Bókin kom út árið 2010 og fjallar um þær aðferðir sem Block og starfsfólk hans í Block Center for Integrative Cancer Treatment notar í meðferðum gegn krabbameini. Block leggur mikla áherslu á heildarjafnvægi líkamans, þ.e. andlegt og líkamlegt, og kemur mataræði þar mikið við sögu. Hann fjallar mikið um ástand sem nefnist cachexia og þýðir ástand þar sem einstaklingur tapar umtalsverðri líkamsþyngd án þess að vera að reyna að léttast. Þetta ástand er algengt meðal krabbameinssjúklinga og leiðir í mörgum tilvikum til þess að viðkomandi verður alvarlega vannærður og er afleiðingin oft á tíðum verri útkoma úr meðferðinni. Í bókinni kemur fram að krabbameinssjúklingar eru næstalgengasti hópurinn til þess að upplifa næringarskort meðal sjúklinga, á eftir alnæmissjúklingum. Block leggur miklar áherslu á að neyta hollrar fæðu til að vinna gegn ástandi sem þessu og þá sérstaklega bólguhamlandi fæðu sem er rík af omega 3, andoxunarefnum og forðast fæðu sem inniheldur mikið magn af omega 6. Hann mælir sérstaklega með efnum sem finnast í góðri ólífuolíu, te-i og granata epli. Einnig leggur hann miklar áherslu á próteinríka fæðu, og þá að próteinin komi úr jurtum, feitum fiski, lífrænum kjúklingi eða eggjum. Read the rest of this entry »
Filed under: acai ber, bananar, Bækur, Drykkir, granata epli, hemp fræ, jarðaber, Morgunmatur, sojabaunir, Vegan, Andoxunarefni, Block Center for integrative cancer treatment, cachexia, Keith I. Block, Life over cancer, omega 3, próteinríkt, uppbyggjandi smoothie
febrúar 10, 2011 • 7:22 AM Comments Off
Þessi smoothie er voða góður. Hann er ríkur af súpernæringarríkum efnum eins og bee pollen og hemp fræjum. Bee pollen má í raun segja að sé fullkomin fæða, því það inniheldur “allt” sem líkaminn þarf til að starfa eðlilega. Hemp fræin fæ ég ekki nóg af að tala um, þau eru ofurofurfæðið í mínum huga, uppfull af fitusýrum í góðu jafnvægi auk þess að vera gríðarlega rík af öðrum mikilvægum og lífsnauðsynlegum næringarefnum. Hemp fræin fást því miður ekki enn, en ég get bent ykkur á að ég keypti hemp protein um daginn í heilsubúðinni á horninu á Klapparstíg og Grettisgötu. Ég myndi samt ekki mæla með því að setja mikið af því í þennan drykk, frekar setja chia fræ, hörfræ eða sólblómafræ (eða blöndu) í staðin fyrir hemp fræin. Þið getið líka notað hemp fræin með skurninni sem fást í flestum heilsubúðum en þá er mikilvægt að leggja þau í bleyti áður. Besta aðferðin til að nota þau er að leggja 2 msk. af fræjum í vatn í nokkrar klukkustundir og búa svo til hemp mjólk með því að setja 1/2 líter af vatni og fræin í blender og sigta hratið svo frá. Þegar það er gert er vel hægt að nota hemp mjólkina í staðin fyrir jógúrtið og þá er uppskriftin líka orðin vegan.
Uppskriftin inniheldur eftirfarandi krabbameinshamlandi fæðutegundir:
Ávextir: bananar, hindber
Fræ: hemp fræ
Annað: jógúrt
1 lífrænt kókosjógúrt frá bíóbú
1 msk. bee pollen (eða minna fyrir óvana)
1 msk. hemp hjörtu/fræ
1 tsk. acai duft
1 banani
lítil handfylli af frosnum hindberjum
smá vatn og klakar
Allt sett saman í blender og drukkið með bros á vör.
janúar 7, 2011 • 3:01 AM Comments Off
Ég hef aðeins verið að veigra mér við það að setjast niður og skrifa þessa færslu. Einfaldlega vegna þess að það ár sem við vorum að kveðja var einstaklega viðburðarríkt og stefnumarkandi fyrir mitt líf. Það má eiginlega segja að árið 2010 hafi verið ár áhugamálanna hjá mér. Ég fann mér svo ótrúlega mörg áhugamál sem ég er einstaklega þakklát fyrir að geta stundað. Ég ákvað í mars að opna þessa síðu í kringum stærsta áhugamálið og miðla þeirri þekkingu sem ég afla mér um áhrifamátt mataræðis á vöxt og myndun krabbameins í líkamanum til þeirra sem áhuga hafa á efninu. Áhugi fólk á þessu efni virðist vera að aukast mikið og ég finn fyrir aukinni trú fólks á áhrif heilbrigðs mataræðis á heilsu þess og andlega líðan. Read the rest of this entry »
Filed under: avokadó, bananar, Bækur, chia fræ, Fæðutegundir, Jógúrt, kíwí, Morgunmatur, Rannsóknir, sítrus ávextir, sojabaunir, Tófú, Acai berry powder, Bee Pollen, Brjóstakrabbamein, chia fræ, Crazy Sexy Cancer, David Servan-Schreiber, Erfðabreytt matvæli, Food Matters, Food Rules, hemp fræ, hot jóga, Kakóbaunin, Kris Carr, Mark Bittman, melting, Michael Pollan, Tófú, Te
