tómatar

mars 27, 2012 • 9:37 PM Comments Off

Gamaldags matur með hollri viðbót

Stundum fær dóttir mín að ráða. Frekar oft á sumum sviðum. Sjaldnar á öðrum. Þegar kemur að mat þá fær hún yfirleitt að ráða þegar við erum bara tvær í kotinu og oftast verður fiskur þá fyrir valinu. Ég kaupi þá yfirleitt silungsflök og við borðum þau með krydduðum sætum kartöflum. Það finnst okkur mjög gott. En það er þó ekkert betra að hennar mati en steiktur fiskur í raspi. Svo að síðast þegar við vorum tvær hér heima þá borðuðum við fisk í raspi uppá gamla mátann. Mér finnst það ágætt stundum en ég reyni þó alltaf að bæta örlítilli aukahollustu við þennan þjóðarrétt okkar. Í þetta skiptið steikti ég lauk og tómata með túrmeriki, svörtum pipar og tandoori kryddi. Þannig náði ég að bæta fullt fullt af hollustu í kvöldmatinn okkar. Túrmerik er eins og ég hef áður fjallað um algjört undrakrydd. Það var áður fyrr kallað saffran fátæka fólksins í Indlandi en er nú kallað gullnáma Indland, þar sem lækningarmáttur þess er svo gífurlega mikill og fjölbreyttur. Virka efnið í túrmeriki, kúrkúma, verður margfalt öflugra ef að túrmerik kemst í tæri við olíu og svartan pipar. Þess vegna er mælt með að elda túrmerik á sama hátt og gert er í Indlandi þegar búið er til masala. Þá er laukur og hvítlaukur steiktur fyrst upp úr olíu og kryddunum síðan blandað saman við. Því næst er tómötum yfirleitt blandað saman við og þá er komin hin hefðbundna masala sósa. Þessi steikti laukur ber því keim af hefðbundinni indverskri matargerð og ber að sama skapi lækningarmátt hennar.

Þetta kom mjög vel út og passaði vel með fiskinum. Endilega prófið.

Uppskriftin inniheldur eftirfarandi krabbameinshamlandi fæðutegundir:
Grænmeti: laukur, tómatar
Krydd og kryddjurtir: túrmerik, svartur pipar

Uppskrift
fyrir 2 svanga

1 stór laukur
6 konfekttómatar niðurskornir
1 tsk. túrmerik
½ tsk. tandoori krydd
salt og nýmalaður svartur pipar
ólífuolía eða repjuolía til steikingar

Hitið olíuna á pönnunni, bætið lauknum við og því næst kryddunum. Steikið í 3-4 mínútur við vægan hita og bætið þá tómötunum saman við. Steikið þar til tómatarnir eru orðnir mjúkir.

About these ads

Filed under: laukur, Meðlæti, svartur pipar, tómatar, túrmerik, Vegan, laukur, steiktur laukur, svartur pipar, túrmerik

júní 28, 2011 • 3:23 PM Comments Off

Steikt lúða með indversku masala

Uppskriftin inniheldur eftirfarandi krabbameinshamlandi fæðutegundir:

Grænmeti: tómatar, laukur
Krydd: hvítlaukur, cayenne pipar, sinnepsfræ, karrýlauf, cumin, kóríander, negull

Uppskrift
fyrir 4

Marinering fyrir lúðu
1 kg. smálúða skorin í bita
¼ bolli ólífuolía eða repjuolía
¼ tsk. cayenne pipar
1 tsk. salt
1 tsk. svört sinnepsfræ möluð í mortéli
1 bolli brauðmylsna (notaði 4 hrökkbrauðssneiðar, malaðar í matvinnsluvél)

Masala

2 msk. ólífuolía
10 karrýlauf
1 ½ tsk cumin
1 ½ tsk. malað kóríander
¼ tsk cayenne
2 maukaðir rauðlaukar
3 hvítlauksrif
3 negulnaglar
1/2 tsk. salt
1 dós af niðurskornum tómötum í dós
1 lítil dós af kókosmjólk (160 ml.)
160 ml. vatn

Blandið öllum innihaldsefnum í marineringunni saman og komið fyrir í ísskáp. Látið marinerast í 2 klst. (ekkert stress þó ef það er minna eða meira).

Maukið rauðlauk og hvítlauk saman í matvinnsluvél.

Hitið ólífuolíu í potti þar til hún er orðin nokkuð heit, bætið þá karrýlaufum út í og látið steikjast í olíunni í um 30 sekúndur. Gott er að loka pottinum á meðan þetta gerist til að fá ekki slettu framan í sig. Hellið svo maukaða lauknum á pönnuna og steikið í um 5 mínútur við miðlungshita. Blandið því næst kryddunum saman við og síðan tómötunum. Látið malla við miðlungshita í 5-8 mínútur eða þar til vökvinn hefur minnkað talsvert. Blandið þá kókosmjólkinni saman við auk þess að fylla dósina einu sinni af vatni og blanda saman við (u.þ.b. 160 ml.). Látið malla í 10 mínútur.

Veltið fiskinum upp úr brauðmylsnunni/hrökkbrauðsmylsnunni. Hellið afganginum af marineringunni á pönnuna og steikið fiskinn í 2-3 mínútur á hvorri hlið. Berið fram með brúnum hrísgrjónum og naan brauði.

Filed under: chili, Fiskur, hvítlaukur, karrýlauf, kóríander, kúmin, laukur, Meðlæti, negulnaglar, sinnep, svartur pipar, tómatar, Uppáhalds, Uppskriftir, cumin, hvítlaukur, karrýlauf, Lycopene, rauðlaukur

september 30, 2010 • 1:58 AM Comments Off

Tómatsalat með kóríander og cayenne pipar

Þetta salat er eitt af mínum uppáhalds. Upphaflega fann ég það í bók eftir Madhur Jaffrey, sem ég elda mikið úr, en með tíð og tíma hefur uppskriftin breyst lítillega eftir mínu höfði. Salatið passar fullkomlega með bragðsterkum indverskum pottréttum og er rosalega fljótlegt, hollt og einfalt. Allar fæðutegundirnar í salatinu hafa eiginleika sem vinna gegn krabbameini. Tómatarnir innihalda lycopene sem ég hef áður talað um hér á síðunni. Ferskt kóríander hefur eiginleika sem hjálpa líkamanum að losa sig við þungamálma. Það hefur einnig bólguhemjandi áhrif á líkamann auk þess að vera gott fyrir meltinguna. Að lokum langar mig að nefna það að ferskt kóríander hefur eiginleika sem jafna/stilla(e. regulate) NF-kB í líkamanum. NF-kB er prótein samstæða sem þjónar grundvallarhlutverki þegar líkaminn bregst við sýkingum og hefur einnig verið tengt við myndun krabbameins, þ.e. þegar um óeðlilega virkni NF-kb eða stillingu þess er að ræða (sjá nánar um þetta hér). Ég ætla hins vegar ekki að hætta mér dýpra ofan í þessi mjög svo flóknu fræði. Hér kemur uppskriftin að þessu skemmtilega salati.

Uppskriftin inniheldur eftirfarandi krabbameinshamlandi fæðutegundir:
Ávextir: sítrus ávextir
Grænmeti: tómatar, laukur
Krydd og kryddjurtir: ferskt kóríander, cayenne pipar

Uppskrift
fyrir 4-6 með mat

2 öskjur kirsuberjatómatar skornir í tvennt
2-3 msk. ferskt kóríander saxað
1 laukur smátt skorinn
1/2 tsk. salt
1/8 tsk. cayenne pipar
2 msk. sítrónusafi
1 msk. extra virgin ólífuolía

Blandið öllu saman í skál og berið fram með mat.

Filed under: kóríander, laukur, Salöt, sítrus ávextir, tómatar, Uppáhalds, Uppskriftir, Vegan, cayenne pipar, Ferskt kóríander, laukur, Lycopene, meðlæti, NF-kB stilling, tómatar

ágúst 31, 2010 • 6:01 AM Comments Off

Bragðmikil afrísk súpa með hnetum og kjúklingabaunum

Þessi súpa er mjög vel næringarfræðilega samsett. Hún inniheldur próteinríkar, trefjaríkar, fólínsýruríkar og járnríkar kjúklingabaunir, a vítamínríkar sætar kartöflur og gulrætur, prótínríkt gæðahnetusmjör, tómatarnir eru svo ríkir af lycopene og í rauða chilipiparnum er að finna capsaicin sem talið er vinna gegn krabbameini m.a. í blöðruhálskirtli. Hún er bragðmikil og matarmikil en í senn létt í maga og auðmeltanleg. Hún inniheldur einnig heila kanilstöng sem látin er sjóða í súpunni allan tímann og svo tekin úr áður en súpan er maukuð. Kanill er öflugt krydd sem er blóðsykurjafnandi og rannsóknir sýna einnig að vinni gegn ýmsum tegundum krabbameins (sjá t.d. hér).

Uppskriftin inniheldur eftirfarandi krabbameinshamlandi fæðutegundir:
Grænmeti: laukur, gulrætur, sætar kartöflur, tómatar
Krydd og kryddjurtir: engifer, rautt chili, hvítlaukur, kóríander, kúmin, ferskt kóríander, kanill
Hnetur: jarðhnetur

Uppskrift
fyrir 4-6

2 msk. kókosolía
2 laukar niðurskornir
1 msk ferskt engifer saxað
4 hvítlauksgeirar marðir
1 stór rauður chili niðurskorinn
1 kanilstöng
1 ½ tsk malað kúmin
1 ½ tsk malað kóríander
1 tsk salt
4 tómatar niðurskornir
2 meðalstórar sætar kartöflur niðurskornar
3 meðalstórar gulrætur niðurskornar
5 bollar vatn
4 msk gróft hnetusmjör
1 dós kjúklingabaunir
3 msk ferskt saxað kóríander

Hitið olíuna í potti og steikið laukinn í 5-7 mínútur eða þar til hann er farinn að brúnast. Bætið þá hvítlauk, engiferi, chili, kanilstöng, kúmini, möluðu kóríander og salti í pottinn og steikið áfram í um 3 mínútur. Bætið næst tómötunum út í og steikið áfram í 2-3 mínútur. Bætið þá sætum kartöflum, gulrótum og vatni út í og látið suðuna koma upp. Sjóðið súpuna í 40 mínútur við vægan hita eða þar til allt grænmetið er orðið mjúkt. Maukið þá með töfrasprota eða í blandara. Komið aftur fyrir í potti á hellunni og bætið hnetusmjöri saman, kjúklingabaunum og kóríander saman við. Látið allt blandast vel saman á vægum hita. Smakkið og bætið við salti og nýmöluðum pipar eftir smekk. Skreytið með fersku kóríander og berið fram með góðu brauði.

Filed under: chili, engifer, gulrætur, hvítlaukur, kanill, kartöflur, Kartöflur, kóríander, kúmin, Kjúklingabaunir, laukur, Súpur, svartur pipar, tómatar, Uppáhalds, Uppskriftir, Vegan, capsaicin, engifer, fólínsýruríkt, kjúklingabaunir, próteinrík, rauður chili, trefjaríkt

júlí 17, 2010 • 2:00 AM Comments Off

Vatnsmelónu- og tómatsalat með fetaosti og myntu

Þetta salat birtist á heimasíðu Dr. Weil fyrir stuttu og mér fannst það ákaflega girnilegt. Það inniheldur mikið af lycopene, sem gefur bæði tómötum og vatnsmelónum rauða litinn. Ég fjallaði um lycopene í færslunni um tómata fyrir stuttu og er skemmst frá því að segja að þetta máttuga plöntuefni er karlmönnum virkilega hollt og vinnur á fyrirbyggjandi hátt gegn myndun krabbameins í blöðruhálsi, sem er jú algengasta krabbameinið meðan karlmanna. Þó svo að flestar rannsóknir tengdar lycopene beinist að áhrifum þess gegn krabbameini í blöðruhálskirtli þá er þetta efni konum einnig mjög hollt. Nýlegar rannsóknir sýna að það hefur einnig fyrirbyggjandi áhrif gegn krabbameini í brjóstum [sjá nánar hér]

Með tómötunum og vatnsmelónunni í salatinu er rauðlaukur, fetaostur og fersk mynta, sem rannsóknir hafa sýnt að geti minnkað blóðflæði til æxla í líkamanum [sjá nánar hér]. Myntan gefur salatinu ferskan og skemmtilegan tón og fallegan grænan lit.

Uppskriftin inniheldur eftirfarandi krabbameinshamlandi fæðutegundir:
Ávextir: vatnsmelóna
Grænmeti: tómatar, laukur
Krydd og kryddjurtir: mynta

Uppskrift
fyrir 4 með mat

1 lítil vatnsmelóna eða hálf stór niðurskorin
1 bakki kirsuberjatómatar niðurskornir
10 stór mintulauf niðurskorin
1/2 rauðlaukur smátt saxaður
1/2 – 1 bolli fetaostur (eftir smekk)
Smá maldonsalt
Nýmalaður svartur pipar eftir smekk

Vinegrette:
2 msk extra virgin ólífuolía
1 msk balsamikedik

Blandið innihaldsefnum í salatið saman og hellið vinegrette yfir. Skreytið með myntulaufum og berið fram.

Sjá hér uppskriftina á heimasíðu Dr. Weil.

Filed under: laukur, mynta, tómatar, Uppskriftir, vatnsmelóna, Ólífuolía, Balsamik edik, Brjóstakrabbamein, Dr. Weil, fetaostur, Krabbamein í blöðruhálskirtli, Lycopene, mynta, Plöntuefni, rauðlaukur, Vatnsmelóna, Vinegrette

júní 19, 2010 • 9:48 AM Comments Off

Bruschetta með tómötum og basil

Uppskriftin inniheldur eftirfarandi krabbameinshamlandi fæðutegundir:
Grænmeti: tómatar
Krydd og kryddjurtir: hvítlaukur

Uppskrift
fyrir 6 í forrétt eða sem smáréttur

1 súrdeigsbaguette brauð niðurskorið
Gæða extra virgin ólífuolía
6 tómatar fræhreinsaðir og niðurskornir í teninga
4 hvítlauksrif
10-12 basillauf niðurskorin
salt og pipar

Skerið brauðið í sneiðar og veltið upp úr ólífuolíu. Raðið á ofnskúffu og bakið við 180 gráður þar til brauðið hefur brúnast á köntunum, u.þ.b. 10 mínútur. Takið út og nuddið hvítlauk á hverja sneið. Setjið því næst rúmlega matskeið af tómötum á hverja sneið og stráið niðurskornum basil yfir. Malið salt og pipar yfir eftir smekk. Berið fram.

Filed under: hvítlaukur, Smáréttir, svartur pipar, tómatar, Uppáhalds, Uppskriftir, Vegan, Ólífuolía, Basil, Bruschetta, hvítlaukur, smáréttur, tómatar

júní 17, 2010 • 9:03 PM Comments Off

Fyrirbyggjandi áhrif tómata gegn krabbameini hafa lengi verið þekkt. Rannsóknir sýna að útbreiðsla blöðruhálskirtilskrabbameins er minni í löndum þar sem neysla tómata og annarra tómatafurða er mikil [sjá Bragð í baráttunni bls. 108]. Einnig hefur verið sýnt fram á að menn sem fengið hafa blöðruhálskirtilskrabbamein lifa lengur en ella ef þeir borða tómatsósu að minnsta kosti tvisvar í viku [sjá Anti Cancer bls 122/heimild]. Rannsóknir sýna þó ekki einungis fyrirbyggjandi áhrif tómata gegn krabbameini í blöðruhálskirtli heldur einnig í brjóstum, ristli og brisi.

Tómatar innihalda plöntuefnið lycopene en það er efnið sem gefur þeim rauða litinn. Lycopene er öflugt andoxunarefni sem fellur undir flokk karotínoida. Lycopene finnst í mestu mæli í unnum tómatafurðum og elduðum tómötum. Þær fæðutegundir sem innihalda hve mest af lycopene eru eftirfarandi: sólþurrkaðir tómatar, tómatpúrra, tómatsósa, tómatar í dós og tómatsafi. Til að gefa hugmynd um hve mikill munur er á unnum tómatafurðum og hráum tómötum er hægt að bera sólþurrkaða tómata saman við hráa tómata. Sólþurrkaðir tómatar innihalda að meðaltali 40750 míkrógrömm af lycopene í hverjum 100 gr. á meðan hráir tómatar innihalda að meðaltali 2570,6,-2575 míkrógrömm í hverjum 100 gr. Munurinn er gífurlegur. Einnig er talið að efni sem einungis finnst í tómötum sem hafa verið þurrkaðir og nefnist FruHis hafi hamlandi áhrif á krabbamein í blöðruhálskirtli [heimild]. Þrátt fyrir þetta er alls ekki ástæða til að hætta að borða hráa tómata, þeir eru næringarríkir og innihalda talsvert magn af c-vítamíni, a-vítamíni og k-vítamíni (sjá frekari upplýsingar um næringarinnihald hér). Til að auka fyrirbyggjandi virkni gegn blöðruhálskrabbameini hefur einnig verið mælt með að blanda tómötum og spergilkáli saman í matargerð [heimild], og þá helst með ólífuolíu.

Ég mæli sérstaklega með eftirtöldum uppskriftum sem innihalda tómata:
Indversk linsubaunasúpa
Kjúklingur í karrý frá Sri Lanka
Bragðmikið pastasalat með eplum og sólþurrkuðum tómötum
Kjúklingaréttur með ólífum, fetaosti og tómötum

Sjá einnig umfjöllun um þátt tómata í forvörnum gegn krabbameini hér.

Filed under: tómatar, A-vítamín, C-vítamín, FruHis, K-vítamín, Lycopene, sólþurrkaðir tómatar, tómatar

maí 28, 2010 • 11:21 AM Comments Off

Indversk linsubaunasúpa

Uppskriftin inniheldur eftirfarandi krabbameinshamlandi fæðutegundir:
Ávextir: sítrus ávextir, trönuber
Krydd og kryddjurtir: Svört sinnepsfræ, engifer, túrmerik, kanill, kóríander
Kornmeti: rauðar linsubaunir
Grænmeti: laukur, tómatar, sellerí

Uppskrift
fyrir 4-6

2 msk kókosolía
1 1/2 tsk kúmin fræ
1 1/2 tsk svört sinneps fræ
2 laukar
2 sellerístilkar
1 msk ferskt engifer smátt saxað
2 tsk túrmerik
Smá nýmalaður svartur pipar
2 tsk malað kúmin
1/2 tsk salt
2 bollar niðurskornir tómatar (2-3 tómatar)
8 bollar gott grænmetissoð
2 bollar rauðar linsubaunir
1 kanilstöng
1 tsk sítrónusafi
1/4 bolli ferskt kóríander saxað
1/2 bolli þurrkuð trönuber

Hitið kókosolíu á pönnu og bætið kúminfræjum og sinnepsfræjum á pönnuna. Maukið lauk og sellerí í matvinnsluvél eða saxið smátt og hafið tilbúið. Bíðið þar til fræin byrja að springa og hellið þá laukblöndunni út í og hrærið vel. Steikið í 3-4 mínútur við miðlungshita. Bætið þá engiferi, túrmeriki, svörtum pipar, kúmini og salti út í og hrærið. Steikið í um 2 mínútur til viðbótar. Bætið þá tómötum út í og hrærið saman við. Bætið því næst 1 bolla af soðinu út í og hrærið saman við. Látið suðuna koma upp og sjóðið í 4-5 mínútur til þess að töluvert að vökvanum gufi upp. Bætið þá linsubaununum og kanilstönginni út í og afganginum af soðinu (7 bollum). Hrærið vel. Látið suðuna koma upp og látið malla í 30 mínútur. Hellið svo í matvinnsluvél/blender eða notið töfrasprota til að mauka súpuna. Hellið aftur í pottinn og bætið fersku kóríander, sítrónusafa og trönuberjum út í og látið malla í um 10 mínútur til viðbótar. Saltið eftir smekk. Berið fram með góðu brauði og hummus.

Filed under: Baunir, kóríander, laukur, Rauðar linsubaunir, Rauðar linsubaunir, sítrus ávextir, Súpur, sellerí, svartur pipar, svört sinnepsfræ, tómatar, túrmerik, Uppáhalds, Uppskriftir, Vegan, C-vítamín ríkt, engifer, Fólínsýra, Indversk súpa, járnríkt, Kanilstöng, kókosolía, kóríander, Rauðar linsubaunir, sítrónusafi, Sellerí, Sinnepsfræ, tómatar, túrmerik, Trönuber, trefjaríkt

apríl 1, 2010 • 1:04 PM Comments Off

Chana Masala – Kjúklingabaunaréttur frá Norður Indlandi

Þetta er vinsæll grænmetisréttur frá Indlandi og þá sérstaklega Norðurhluta Indlands. Hann inniheldur margar tegundir af kryddum og er virkilega bragðmikill, án þess að vera of sterkur. Kjúklingabaunir, sem einnig eru kallaðar garbanzo baunir, eru próteinríkar og mjög hollar. Þær eru einnig trefjaríkar og innihalda talsvert magn af járni, b vítamínum auk annarra vítamína og steinefna.

Uppskriftin inniheldur eftirfarandi krabbameinshamlandi fæðutegundir:
Ávextir: sítrónu
Grænmeti: laukur, tómatar
Krydd: hvítlauk, engifer, kóríander, túrmerik, engifer, garam masala (kardimommur, negulnaglar, svartur pipar, kóríander)

Uppskrift
fyrir 4

1 msk kókosolía
2 laukar niðurskornir
2 hvítlauksgeirar marðir
1 msk malað kóríander
2 tsk malað kúmin
½ tsk malaður cayenne pipar
1 tsk malað túrmerik
6 msk niðurskornir tómatar
1 bolli vatn
4 bollar soðnar kjúklingabaunir (eða í dós)
2 tsk ristuð kúminfræ
1 msk mango krydd/amchoor (má sleppa)
2 tsk paprikukrydd
1 tsk garam masala
½ tsk salt
safi úr hálfri sítrónu
1 ferskur grænn chili pipar
2 msk ferskt engifer smátt saxað

Hitið kókosolíu á pönnu og bætið lauk út í og steikið í um 3 mínútur. Bætið þá hvítlauknum á pönnuna og steikið í aðrar 3 mínútur og hrærið vel á meðan. Lækkið hitann aðeins niður. Bætið út í kóríander, kúmin, cayenne og túrmeriki og hrærið í. Bætið tómötunum út í og steikið í 3-4 mínútur og bætið þá vatni og kjúklingabaunum út í. Bætið ristuðu kúmin fræjunum, mango kryddinu, garam masala, salti og sítrónusafa saman við og látið malla í 10 mínútur með pönnuna lokaða. Takið lokið af og bætið chili og engiferi saman við. Hrærið í og látið mallað í nokkrar mínútur, eða þar til vökvinn eru að miklu leyti gufaður upp. Berið fram með naan brauði og chutney.

Ef afgangur er af uppskriftinni er virkilega gott að nota réttinn kaldan á vefju með grænmeti, chutney og sýrðum rjóma.

Filed under: Uppskriftir, túrmerik, kardimommur, svartur pipar, negulnaglar, hvítlaukur, engifer, laukur, tómatar, sítrus ávextir, mangó, Karrý, Baunir, Kjúklingabaunir, chili, negulnaglar, laukur, tómatar, hvítlaukur, kardimommur, svartur pipar, Sítróna, kóríander, kjúklingabaunir, engifer, kúmin, garam masala, járnríkt, b-vítamínríkt, prótínríkt, chili

mars 28, 2010 • 2:05 PM Comments Off

Kjúklingur í karrý frá Sri Lanka

Í þessari uppskrift nota ég sérstakt karrý sem ég bý til sjálf. Það inniheldur frekar margar tegundir af kryddum sem eru ristuð og svo möluð. Þetta gerir það að verkum að maður fær sérstaklega gott karrý. Það er þó ekki nauðsynlegt að nota heimatilbúna karrýið. Ég mæli þó eindregið með því. Það er vel hægt að nota karrý eins og Hot Madras Curry frá Rajah eða þess vegna Mild Madras Curry frá Rajah. Þetta eru indversk karrý og gefa þau því aðeins annað bragð. Ég myndi þó mæla með því að bæta smá cayenne pipar út í ef notað er milt eða venjulegt karrý frá Pottagaldri, svona eins og 1/4-1/2 tsk, allt eftir smekk. Ég setti sjálf 1/4 tsk af cayenne pipar út í uppskriftina með heimatilbúna karrýinu, þannig að ef að fólk er mikið fyrir sterkan mat þá er það mjög gott. Annars er þetta frekar léttur karrý réttur sem auðvelt er að leika sér með útfærslur á.

Uppskriftina að karrýinu er að finna hér.

Uppskriftin inniheldur eftirfarandi krabbameinshamlandi fæðutegundir:
Grænmeti: Laukur, tómatar
Ávextir: Epli
Krydd: Chili, ferskt kóríander, hvítlaukur, túrmerik, sinnep, fennel, fenugreek fræ, kardimommur, negulnaglar, kanill, svartur pipar.

Uppskrift
Fyrir 4
2 msk ólífuolía
1 rauðlaukur
3 hvítlauksrif
2 tómatar
½ bolli ferskt kóríander
1 tsk grófkorna Dijon sinnep
1 gult epli
1 msk kókosolía
Nokkur fenugreek fræ (má sleppa)
1 msk og 1 tsk heimatilbúið karrý frá Sri Lanka
1/2 bolli sjóðandi vatn
1 tsk salt eða eftir spekk
Nýmalað salt og pipar
8-9 kjúklingaleggir eða heill kjúklingur í bitum

Setjið ólífuolíu, rauðlauk, tómata, kóríander og hvítlauk í matvinnsluvél og maukið vel. Skolið kjúklinginn undir köldu vatni og skerið frá sem mesta húð og fitu. Setjið kjúklinginn í skál og kryddið með maldon salti og svörtum pipar. Hellið blöndunni úr matvinnsluvélinni yfir kjúklinginn og hrærið saman við. Bætið grófkorna sinnepinu út í og hrærið vel. Setjið plastfilmu yfir og látið standa í að minnsta kosti tvær klukkustundir.

Setjið karrýið í skál og hellið sjóðandi vatni út og hrærið saman við. Hitið því næst kókosolíu og nokkur fenugreek fræ í potti þar til olían er orðin vel heit. Bætið þá karrývökvanum út í pottinn, lækkið undir, og steikið þar til karrýið er orðið vel þykkt á pönnunni. Bætið þá kjúklingnum ásamt marineringunni út í og hrærið vel.

Setjið þá saltið út í og hrærið saman við. Hækkið aftur undir. Bætið 2 og 1/2 bolla af vatni út og látið suðu koma upp. Sjóðið í 30-40 mínútur. Þegar 10-15 mínútur eru eftir af suðutímanum er eplunum bætt út í og þau soðin með afganginn af tímanum.

Hentar vel með hrísgrjónum og léttu salati.

Filed under: Uppskriftir, túrmerik, kardimommur, kóríander, svartur pipar, negulnaglar, fennel, sinnep, hvítlaukur, kanill, fenugreek, laukur, tómatar, epli, Karrý, chili, epli, fennel, fenugreek fræ, Ferskt kóríander, hvítlaukur, kanill, kardimommur, laukur, negulnaglar, sinnep, svartur pipar, tómatar, túrmerik

Næsta »

Máttur matarins

Gamaldags matur með hollri viðbót

Steikt lúða með indversku masala

Tómatsalat með kóríander og cayenne pipar

Bragðmikil afrísk súpa með hnetum og kjúklingabaunum

Vatnsmelónu- og tómatsalat með fetaosti og myntu

Bruschetta með tómötum og basil

Tómatar

Indversk linsubaunasúpa

Chana Masala – Kjúklingabaunaréttur frá Norður Indlandi

Kjúklingur í karrý frá Sri Lanka

Krabbamein

Staðreyndir

Um efni síðunnar

Hafa samband

Áskrift

Flokkar

Sarpur

Follow “Máttur matarins”

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Share this:

Like this:

Krabbamein

Staðreyndir

Um efni síðunnar

Hafa samband

Áskrift

Flokkar

Sarpur

Follow “Máttur matarins”