Máttur matarins

Þetta er mín grunnuppskrift að hummus. Hann á ég yfirleitt alltaf til og bæti svo út í hann því sem ég er í skapi fyrir á hverjum tíma. Ég læt kjúklingabaunirnar liggja í bleyti í að minnsta kosti 4 klukkutíma og sýð þær svo í um 1 klukkustund með 1 tsk af matarsóda. Lykillinn er svo að láta matvinnsluvélina ganga í þrjár mínútur svo að hummusinn verði léttur og mjúkur. Þessi uppskrift er stór, en hummus geymst vel í ísskáp í loftþéttum umbúðum í tæpa viku.

Uppskriftin inniheldur eftirfarandi krabbameinshamlandi fæðutegundir:
Ávextir: sítróna
Hnetur: sesam fræ (tahini)

Uppskrift
gerir um 4 bolla

4 bollar soðnar kjúklingabaunir
½-1 bolli vatn
1/3 bolli nýkreistur sítrónusafi
1/3 bolli tahini
1 ¼  tsk salt

Blandið ½ bolla af vatni, sítrónusafanum, tahinii og salti saman í matvinnsluvél og blandið vel saman. Bætið kjúklingabaunum út í og byrjið að þeyta. Bætið vatni út í þar til hummusinn hefur náð þeirri þykkt sem ykkur líkar við. Látið svo matvinnsluvélina ganga í þrjár mínútur þannig að hummusinn blandist gjörsamlega og verði léttur og mjúkur.

Filed under: Ídýfur, Hummus, sítrus ávextir, sesamfræ, Uppáhalds, Hummus, kjúklingabaunir, Sítróna, Sesam fræ, tahini