október 13, 2012 • 10:41 AM Comments Off
Uppskriftin inniheldur eftirfarandi krabbameinshamlandi fæðutegundir:
Ávextir: banani, mangó
Grænmeti: gulrætur
Hnetur og fræ: sesamfræ (tahini), hampfræ (hamp prótein)
Krydd: engifer
2/3 bolli hrísmjólk með kókos
2/3 bolli gulrótasafi
1 tsk. tahini
smá bútur af engiferi
1 tsk. bee pollen
1 bolli frosið mangó
1 banani
1-2 msk. hemp prótein
Allt sett í blender og drukkið með bros á vör.
Filed under: bananar, Drykkir, engifer, gulrætur, mangó, Morgunmatur, sesamfræ, Vegan
september 19, 2012 • 1:25 PM Comments Off
Mig langar að halda aðeins áfram með stálslegnu hafrana sem eru í miklu uppáhaldi hjá mér. Í dag fékk ég mér graut í hádegismat. Fyrir þá sem ekki vita get ég borðað hafragraut í öll mál með bros á vör. En af því ég er aðeins að reyna að minnka kolvetnin í mínu mataræði og bæta inn próteinum úr jurtaríkinu hef ég verið að minnka hafrarna í grautnum og setja kínóa og amaranth í staðinn.
Kínóa er algjört ofurfæði – próteinríkt og stútfull af bólguhamlandi plöntuefnum sem og ríkt af fjöldanum öllum af öðrum næringarefnum. Í bókinni Life over cancer fjallar Keith I. Block, MD, um mikilvægi þess að borða próteinríka fæðu á meðan á krabbameinsmeðferð stendur. Í bókinni segir m.a. ,,Nutritionists have long recognized that during times of physical stress (and chemotherapy, radiation, and surgery certainly count as stress), the body’s need for energy and protein increases. Protein is especially crucial, since during cancer treatment you are likely to experience tissue breakdown and stress on both your immune system and your liver’s chemical detoxification system; all of these can be stabilized and reversed by boosting your protein consumption”. Í lauslegri þýðingu segir Block að þegar líkaminn er að ganga í gegnum streitu þurfi hann á aukinni orku og próteinum að halda. Hann telur prótein sérstaklega mikilvægt þar sem á meðan á krabbameinsmeðferð stendur séu auknar líkur á niðurbroti vefja, áhrifum á ónæmiskerfið og hæfni lifrarinnar til afeitrunar – og próteinneysla geti minnkað eða komið í veg fyrir þessi áhrif [sjá Life over cancer bls. 122].
Það sem ég gerði í dag var að minnka hlutfall hafra í grautnum um helming og setja kínóa á móti. Þegar grauturinn var tilbúinn blandaði ég 1 tsk. af hnetusmjöri saman við hann og hálfum banana. Einfalt og gott!
Filed under: bananar, Bækur, hafrar, jarðhnetur, kínóa, Morgunmatur, Vegan
september 10, 2012 • 1:33 PM Comments Off
Ég held ég reyni ekkert að bæta upp fyrir allt sluxið hér á síðunni með langri og yfirgripsmikilli færslu. Best bara að gleyma fortíðinni og horfa fram á við. Núna er ég vöknuð til lífsins eftir langt og heilt á litið frekar óhollt sumar, en þó mjög yndislegt að öðru leyti. Ég hef þó tekið upp á ýmsum hollum nýjungum í sumar og það má líklega segja að steel cut morgunmaturinn standi upp úr. Stálslegnir hafrar, eða steel cut eins og við köllum þá, eru heilir hafrar sem hafa verið skornir gróft niður. Þetta líkist örlítið byggi en er þó aðeins fíngerðara. Grauturinn er grófari og allt öðruvísi undir tönn en annar hafragrautur. Mín reynsla er sú að maður getur ekki snúið aftur í gamla hafragrautinn eftir að maður byrjar á þessum.
Aðal kostirnir við steel cut hafrana eru eftirfarandi:
-Þeir eru mun minna unnir en aðrir malaðir hafrar sem yfirleitt eru hitaðir upp og síðan unnir í misgrófar flögur. Við það tapast talsvert magn af trefjum og eru steel cut hafrar því trefjaríkari en aðrir meira unnir hafrar.
-Eru járnríkari, og líklega næringarríkari af fleiri næringarefnum, en malaðir hafrar
-Eru glúteinlausir á meðan malaðir hafrar eru það yfirleitt ekki.
Ég hef aðeins verið að velta fyrir mér kostunum við að fæðutegundir séu glútenlausar. Fyrir þá sem ekki vita er glúten prótein sem finnst í hveiti, byggi, höfrum, spelti og fleiri korntegundum. Mark Hyman skrifar litla kafla í bókina hennar Kris Carr, Craxy Sexy Diet, þar sem hann hvetur fólk eindregið til að hætta að borða glúten, og þá sérstaklega þeir sem eru með viðkvæman ristil og meltingu. Hann skrifaði líka góða grein um þetta á Huffington Post – endilega kíkið á hana hér (kannski pínu öfgakenndur titill en greinin er góð engu að síður). Hann talar um tvær fræðigreinar í umfjöllunum sínum sem báðar eru birtar í mjög virtum læknatímaritum, annars vegar í Journal of the American Medical Association [greinin] og hins vegar í New England Journal og Medicine [greinin].Í greinunum kemur fram að neysla glútenríkra matvæla geti aukið líkurnar talsvert á að fá alvarlega sjúkdóma eins og hjartasjúkdóma og krabbamein. Í síðarnefndri greininni eru taldir upp 55 sjúkdómar sem geta komið til vegna neyslu glútens – magnað að mínu mati. Mark nefnir einnig að stór hluti fólks eigi erfitt með að melta glúten án þess að vera meðvitað um það og því hvetur hann fólk eindregið til að minnka neyslu glútens eða stöðva hana alfarið.
Fyrsta skrefið í átt að minni glútenneyslu gæti verið að byrja að borða steel cut hafragraut í morgunmat. Ég geri hann þannig að ég set hafrana upp að kvöldi til – læt suðuna koma upp, slekk undir, set lokið á pottinn og læt grautinn kólna yfir nótt. Að morgni kveiki ég svo aftur undir, bæti smá vatni út í og læt hann sjóða í nokkrar mínútur. Þá er grauturinn tilbúinn. Ég strái síðan yfirleitt yfir hann fræjum og borða hann með eplum eða berjum. Um helgar og þegar ég vil vera sérstaklega góð við sjálfan mig þá set ég eins og matskeið af 100% hreinu maple sírópi út á grautinn. Maple síróp er annað sem ég hef verið talsvert mikið að kynna mér og áttaði mig fljótt á að ég hef í gegnum tíðina alls ekki verið að nota alvöru maple síróp. Gamla góða Steves maple sírópið, og önnur “maple síróp” eins og Canada’s Best og fleiri, eru uppfullt af sykri og innihalda oft einungis maple bragðefni. Alvöru maple síróp hefur fullt fullt af góðum eiginleikum fyrir heilsuna og er sérstaklega næringarríkt Ég rakst meira að segja á talsvert af fréttagreinum á netinu sem fjölluðu um rannsóknir sem benda til þess að maple síróp vinni gegn krabbameini. Eftir miklar pælingar er mín niðurstaða sú að maple sírópið frá Rapunzel sé það allra besta. Það er lífrænt, dökkt og flokkast í flokk C sem þýðir að það er bragðmeira og ekki eins sætt og flokkur A og B. En yfir í uppskriftina.
Uppskriftin inniheldur eftirfarandi krabbameinshamlandi fæðutegundir:
Kornmeti: hafrar
Ávextir: epli/ber/mangó
Fræ: hörfræ/hampfræ/graskersfræ – hveitikím (ekki glútenlaust)
1 bollu stálslegnir hafrar (e. steel cut oats frá Bobs Red Mill – fæst í Kosti)
3 bollar vatn
1 epli/mangó/ber eða annar litríkur ávöxtur
smá 100% hreint maple síróp
örlítið salt
1 tsk. bee pollen á hvern disk (má sleppa)
1 msk. hampfræ/hörfræ/graskersfræ eða annað ofurhollt á hvern disk
1 tsk. hveitikím (inniheldur glúten)
smá sletta af uppáhalds mjólkinni þinni (má sleppa)
Setjið vatn og hafra í pott að kvöldi og látið suðuna koma upp. Slökkvið undir – setjið lokið á pottinn og látið standa yfir nótt. Kveikið undir að morgni og sjóðið í nokkrar mínútur – bætið vatni út í eftir smekk. Stráið fræjum og öðrum toppingum á og berið fram.
Filed under: bláber, chia fræ, epli, goji ber, graskersfræ, Greinar, hafrar, hörfræ, hemp fræ, hveitikím, kanill, mangó, möndlur, Morgunmatur, Uppáhalds, Vegan
apríl 4, 2012 • 5:14 PM Comments Off
Mér finnst fátt huggulegra en að vakna útsofin um helgar og búa til hollan og góðan morgunmat fyrir mig og mína. Þessi morgunmatur krefst örlítils undirbúnings þar sem mikilvægt er að leggja hafrarna og chia fræin í bleyti í eplasafa yfir nótt. Þetta tekur engan stund og ætti ekki að vefjast fyrir neinum. Þegar maður vaknar er morgunmaturinn síðan nánast tilbúinn. Eina sem maður þarf að gera er að hita berin með maple sírópi í potti og dreifa öllu saman í skál. Einfaldara verður það varla. Ég hvet fólk því til að prófa þessa góðu uppskrift um páskana. Alveg tilvalið að vakna á páskadagsmorgun og borða hollan morgunmat áður en maður fer að belja sig út af óhollustunni.
Uppskriftin inniheldur eftirfarandi krabbameinshamlandi fæðutegundir:
Ávextir: brómber, hindber
Hnetur og fræ: chia fræ, möndlur
Kornmeti: hafrar
Uppskrift
fyrir 4
Chia hafragrautur
1 bolli tröllahafrar
1 bolli hágæða eplasafi
3 msk. chia fræ
Blandað saman í skál og geymt í ísskáp yfir nótt.
Berjasósa
1 bolli berjablanda – hindber/brómber/rifsber/bláber
1 msk. maple síróp
Allt hitað saman í potti í 3-4 mínútur þar til allt er orðið mjúkt og vel blandað saman.
Annað:
2 bollar Hreint jógúrt/ab mjólk/hrís mjólk/soja mjólk
1/2 bolli möndlur eða eftir smekk
Dreifið chia grautnum í 4 skálar. Hellið smá hreinu jógúrti/ab mjólk (eða hrísmjólk/sojamjólk) í skálina. Dreifið möndlum yfir og því næst hellið berjasósunni yfir. Berið fram og njótið.
Filed under: brómber, chia fræ, haframjöl, hindber, möndlur, Morgunmatur, Uppáhalds
nóvember 8, 2011 • 10:50 PM Comments Off
Eins og ég hef fjallað um svo oft áður þá eru chia fræ í miklu uppáhaldi, stútfull af omega 3 fitusýrum og þannig bólguhamlandi. En chia fræin innihalda líka talsvert rík af öðrum næringarefnum. Hlutfallslega eru þau próteinrík, en einnig rík af kalki og magnesíumi. Ég nota chia fræin í smoothie-a, út á jógúrt og í grauta. Mér finnst voða gott að blanda saman jógúrti múslí, frosnum berjum og chia fræjum og láta standa í ísskápnum í svona klukkustund áður en ég borða það, þá eru chia fræin aðeins búin að draga vökvann í sig og orðin skemmtilegri undir tönn.
En ástæðan fyrir því að ég gerði þennan graut er að ég horfði á viðtalið við Þorbjörgu Hafsteinsdóttur á mbl. Þar fjallar hún um hitt og þetta, aðallega það að íslendingar séu of feitir, og leggur mikla áherslu á það að viðaukum próteinneyslu okkar, sérstaklega á morgana. Þetta er fínt viðtal og svona af því ég er nýbúin að kaupa mér uppskriftabókina hennar þá vil ég mæla eindregið með henni. Ég sit og skrifa þessa færslu og drekka steinseljuþeyting úr bókinni sem er alveg ótrúlega góður. Steinselja er svo einstaklega mikið ofurfæði og frábært að ná að dæla í sig tveimur lúkum af steinselju í bragðgóðum smoothie.
En eftir að horfa á viðtalið þá ákvað ég að byrja að borða próteinríkari morgunmat og gerði í framhaldinu þennan graut. Hann inniheldur kínóa sem er sérstaklega próteinríkt fræ. Ég hef nokkrum sinnum gert kínóagraut sem inniheldur eingöngu kínóa og mér hefur ekki fundist það nægilega gott, þannig að ég ákvað að hafa þennan líka með höfrum og þá fínum hafraflögum. Bláberin fannst mér passa vel með en auk þess las ég fyrir stuttu um nýútgefna rannsókn á bláberjum og áhrifum þess á krabbameinsmyndun. Niðurstaða rannsóknarinnar, sem gerðar voru á músum (eins og svo oft er), voru þær að bláberjaduft sem notað var í rannsókninni hafði krabbameinshamlandi áhrif á tiltekna tegund brjóstakrabbameinsfruma (MDA-MB-231 triple negative breast cancer (TNBC) cells) og minnkaði líkurnar á meinvörpum [heimild]. Þessi rannsókn er að sjálfsögðu bara ein af fjölmörgum rannsóknum sem hafa sýnt fram á krabbameinshamlandi áhrif bláberja sem og annarra berja. Meira um það síðar. En yfir í grautinn.
Uppskriftin inniheldur eftirfarandi krabbameinshamlandi fæðutegundir:
Ávextir: bláber
Kornmeti og fræ: hafrar, kínóa, chia fræ
Annað: jógúrt
Uppskrift
fyrir 1
2/3 bolli vatn
3 msk. kínóa
2 msk. fínar hafraflögur
2 tsk. maple síróp
1 tsk. chia fræ
2-3 msk. frosin bláber
3 msk. kókos- eða hrein jógúrt frá BíóBú
Setjið vatn og kínóa saman í pott og hitið þar til suðan kemur upp. Sjóðið í 10 mínútur með lokið á pottinum. Lækkið undir. Bætið þá haframjöli saman við. Hrærið vel og látið hafrana draga afganginn af vatninu í sig. Blandið þá maple sírópi og frosnum berjum saman við. Hrærið vel saman. Slökkvið undir. Hrærið chia fræjum saman við. Hellið í skál og berið fram með jógúrti.
Filed under: bláber, chia fræ, haframjöl, Morgunmatur, Uppáhalds
september 27, 2011 • 2:28 PM Comments Off
Ég er einstaklega mikil hafragrautmanneskja og get auðveldlega borðað hafragraut í kvöldmat á laugardagkvöldi, eins og ég reyndar gerði síðastliðið laugardagskvöld. En fyrst það var nú laugardagskvöld fannst mér alveg ástæða til að gera aðeins meira úr grautnum. Þess vegna ákvað ég að prófa saman hnetusmjör, mórber, kanil og banana. Þetta kom rosalega vel út.
Mig langar aðeins og fjalla um trefjar þar sem ég hef tekið eftir mikilli umræðu og áherslu á djúskúra og detox þar sem einungis eru drukknir nýpressaðir ávaxta- og grænmetissafar. Þessir kúrar eru mjög góðir og gagnlegir í stuttan tíma og hjálpa líkamanum að hreinsa sig og bæta, án þess að þurfa að melta mikið magn af trefjum. Öll orkan sem líkaminn fær úr þessum næringarríku söfum er þannig nýtt í að bæta líkamann og efla heilsu og vellíðan. En þrátt fyrir að kúrar sem þessir séu gott frí fyrir meltinguna þá hef ég líka miklar trú á mikilvægi trefja og er því sannfærð um hollustueiginleika gamla góða hafragrautsins. Þegar ég var að undirbúa mig fyrir námskeið sem ég hélt hjá Krabbameinsfélaginu fyrir stuttu renndi ég í gegnum margar af þeim bókum sem ég á um krabbameinsforvarnir og áhrif fæðu á vöxt og myndun krabbameins og í bókinni Life Over Cancer fjallar Keith Block talsvert um trefjar. Þar segir m.a. –,,Fiber dilutes, binds, inactivates and removes carcinogens, cholesterol, bile acids and various toxic substances.” – Í lauslegri íslenskri þýðingu minni þýðir þetta: Trefjar útþynna, binda, gera óvirk og fjarlægja krabbameinsvaldandi efni, kólesterol, gallsýru og önnur eiturefni úr líkamanum. Höfum þetta í huga!
Uppskriftin inniheldur eftirfarandi krabbameinshamlandi fæðutegundir:
Ávextir: banani, mórber
Krydd: kanill
Kornmeti: hafrar
Hnetur: jarðhnetur
Uppskrift
fyrir 2-3
1 bolli tröllahafrar
2 bollar vatn
2 msk. mórber
1-2 msk. gróft hnetusmjör
örlítið salt
1 banani niðurskorinn
hunang
kanill
Sjóðið saman tröllahafra, vatn, hnetusmjör, mórber og salt þar til grauturinn er orðinn þykkur og hafrarnir hafa dregið í sig vatnið. Hellið í skálar. Skerið niður bananana og dreifið yfir grautinn ásamt kanil og örlitlu hunangi. Berið fram.
Filed under: bananar, haframjöl, hnetur, kanill, mórber, Morgunmatur, Vegan, Trefjar
júlí 13, 2011 • 3:41 PM Comments Off
Nýjasta kokkabókin í safnið mitt er bókin My fathers daughter eftir Gwyneth Paltrow. Ég hef fylgst með síðunni hennar, Goop, í talsverðan tíma og veit að hún hugsar mikið um heilsuna. Mér finnst hún líka bara eitthvað svo ótrúlega sæt að ég varð að kaupa mér bókina hennar. Þetta er falleg bók með mikið af girnilegum uppskriftum. Margar hverjar eru þetta uppskriftir að klassískum réttum sem hún hefur skipt út óhollustu fyrir hollari innihaldsefni. Það er ekkert eitt þema sem er gegnumgangandi í bókinni heldur virðast uppskriftirnar vera svona sitt lítið af hverju, en eiga það sameiginlegt að tengjast allar föður hennar á einhvern hátt.
Í inngangi bókarinnar fjallar Gwyneth um pabba sinn og þeirra samband. Þau virðast hafa verið afskaplega náin og tengd feðgin og hennar áhugi á mat sprettur frá ástríðu föður hennar fyrir mat og víni. Hún fjallar um veikindi hans, en hann greindist með krabbamein í hálsi árið 1998. Þegar faðir hennar veiktist varð hún sannfærð um að hann gæti læknast með réttu mataræði og óhefðbundnum lækningum. Hún las sig mikið til um tengsl mataræðis og krabbameins og aðferðir til þess að vinna gegn krabbameini. Hún tileinkaði sér svokallaða macrobiotic diet sem í raun má segja að sé vestræn útgáfa af japönsku mataræði. En henni tókst þó ekki að hafa áhrif á föður sinn sem vissi ekkert betra en pylsur og kínverskan mat. Þetta varð hins vegar til þess að hún sjálf breytti algjörlega sínu eigin mataræði. Hún sneri blaðinu algjörlega við og keypti eingöngu, lífrænan mat, beint af býli, borðaði samkvæmt macrobiotic mataræðinu og sniðgekk mjólkurafurðir, sykur, kjöt, áfengi og glúten. Þessu mataræði hélt hún í talsverðan tíma, eða þar til hún varð ófrísk. Núna fer hún hinn gullna meðalveg sem ég er svo hrifin af. Hún leggur mikið upp úr jafnvæginu og hefur allt það óholla í hófi. Kona að mínu skapi.
Í þessu samhengi langar mig aðeins að fjalla um macrobiotic mataræðið. Í bókinni Life Over Cancer er fjallað talsvert mikið um þetta mataræði, kosti þess og galla. Þar kemur fram að macrobiotic mataræðið leggi mikla áherslu á grófmeti, grænmeti (mikið um grænmeti af cruciferous tegund líkt og spergilkál og blómkál), fiski og takmarka neyslu ávaxta. Höfundur bókarinnar fjallar um það að hann hafi komist yfir mígreni og magasár á þessu mataræði og í kjölfarið hafi hann farið að skoða áhrif þess á myndun krabbameins. Hann hefur lengi notað ákveðna þætti mataræðisins í ráðgjöf sinni en segir hins vegar að í gegnum tíðina hafi hann áttað sig á því að þessi tegund mataræðis innihaldi ekki næstum allar þær fæðutegundir sem vinna gegn krabbameini og geti í raun í sumum tilvikum leitt til næringarskorts hjá krabbameinssjúklingum.
En aftur að Gwyneth og bókinni hennar. Ég vaknaði snemma í morgun og bakaði bláberjamúffur fyrir dóttur mína og frábæru pössunarpíurnar hennar. Uppskriftina er að finna í bókinni hennar Gwyneth nema ég gerði nokkrar breytingar á henni. Þetta voru virkilega góðar múffur, góðar með morgunkaffinu, lausar við hvítan sykur, hvítt hveiti og egg. Það eina sem þarf að taka út úr minni uppskrift til að gera hana vegan er AB mjólkin. Ég er voða hrifin af AB mjólk í múffum og brauðum en Gwyneth notaði sojamjólk í sínar þannig að ég prófa það örugglega næst. Hér kemur uppskriftin.
Uppskriftin inniheldur eftirfarandi krabbameinshamlandi fæðutegundir:
Ávextir: bláber
Uppskrift
gerir um 12 múffur
½ bolli ólífuolía
1 bolli AB mjólk
½ bolli maple síróp
¼ bolli agave síróp
1 bolli fínmalað spelt
1 bolli grófmalað spelt
2 tsk. vínsteinslyftiduft
½ tsk. salt
2 bollar frosin/fersk bláber
Hitið ofninn í 180°C.
Blandið þurrefnum saman í skál og vökvanum í aðra skál. Bætið vökvanum hægt og rólega saman við þurrefnin og hrærið. Blandið að lokum bláberjunum saman við. Komið fyrir í múffuformum og bakið í 25-30 mínútur eða þar til múffurnar eru bakaðar í gegn.
Filed under: Bækur, bláber, Morgunmatur, sætindi, Uppskriftir, bláber, Bláberjamúffur, Goop, Gwyneth Paltrow, Life over cancer
maí 17, 2011 • 4:15 PM Comments Off
Um helgina las ég nýju bókina hennar Þorbjargar Hafsteinsdóttur sem allt virðist ganga út á þessa dagana. Þetta er falleg bók, flott uppsett og mjög gott innlegg í það fátæklega úrval bóka sem fjalla um heilsutengd málefni á íslensku. Það má hins vegar í raun segja að ég hafi eiginlega spænt bókina í mig, hún er alveg ofboðslega fljótlesin og talsvert mikið um endurtekningar. Meginþemað í lífstíl Þorbjargar er svipað og hjá mörgum þeim aðilum sem ég les eftir í sambandi við krabbameinsforvarnir, þ.e. fæða sem er laus við sykur og hvítt hveiti. Þorbjörg leggur einnig mikla áherslu á holla fitu og próteinríkan mat. Þetta fellur vel að Life Over Cancer prógramminu sem ég fjallaði um fyrir nokkrum vikum og þá sérstaklega fyrir aðila sem eru vannærðir og eru að ganga í gegnum krabbameinsmeðferð eða að byggja sig upp eftir slíka meðferð. Til að gera langa sögu stutta þá má eiginlega segja að ég mæli með bókinni fyrir alla þá sem vilja breyta um lífstíl og taka róttækt skref í átt að heilbrigðara líferni. Fyrir lengra komna er bókin að sjálfsögðu líka fín, en mér fannst kannski á einstaka stað vanta dýpri umræðu, en þó er eitthvað um tilvísanir í heimildir og svo er ágætur listi aftast í bókinni yfir bækur og fleira sem hún mælir með.
En í hvert skipti sem maður les bók eins og þessa þá bæði lærir maður eitthvað nýtt og tekur örlítið nýja stefnu, þó svo að stundum sé það aðeins tímabundið. Hjá mér var það hörfræjaolían sem ég ákvað að bæta inn hjá mér. Ég hef alltaf verið mikill talsmaður omega-3 ríkrar fæðu en yfirleitt notað fræin frekar en olíurnar. Ég nota chia fræ, hamp fræ og hörfræ mikið í smoothie-ana mína og mæli klárlega með því. En eftir að lesa bókina ákvað ég að byrja að nota hörfræjaolíuna líka í smoothie-ana. Þorbjörg leggur einnig mikla áherslu á próteinríka fæðu þannig að ég hef verið að passa að setja hamp duftið út í smoothieana líka. Ég er hrifnari af hamp prótíni heldur en mysupróteininu og nota það þess vegna. Hamp fæ ég aldrei nóg af því að tala vel um. Vonandi fara flysjuðu hamp fræin bara að fást á Íslandi.
Mig langar að enda umræðuna um bókina 10 árum yngri á 10 vikum á því að nefna að bókin inniheldur talsvert mikinn fróðleik um hórmónajafnvægi kvenna og sérstök vandamál tengd bæði óreglulegum blæðingum og breytingaskeiðinu. Þar leggur Þorbjörg mikla áherslu á neyslu hollrar fitu og það hve mikilvægt er að sniðganga sykurinn og hveitið. Þessa upplýsingar tel ég að geti hjálpað mörgum konum að vinna gegn bæði andlegum sem líkamlegum kvillum sem tengjast hórmónaójafnvægi í líkamanum.
Ég hef núna í tvo daga verið að búa mér til smoothie-a tvisvar á dag og ég held að prótínið og fitan í hörfræjaolíunni sé að verða til þess að ég helst södd lengur en áður. Ég verð vel södd og líður vel eftir að drekka þá. Hér koma uppskriftir að smoothie-unum sem ég hef drukkið síðastliðna tvo daga. En fyrst ein falleg mynd sem tekin var á toppi Snæfellsjökuls um helgina.
Uppskriftirnar inniheldur eftirfarandi krabbameinshamlandi fæðutegundir:
Ávextir: jarðaber, banani, límóna, hindber, döðlur, brómber, rifsber, acai ber
Krydd: cayenne pipar
Hnetur og fræ: hemp fræ, hörfræ,
Mettandi morgunsmoothie
fyrir 1-2
1 banani
1 bolli sojamjólk frá Provamel
1 tsk. bee pollen
1 ½ msk. hemp duft
1 ½ tsk. hörfræ
hindber (tæplega 1 bolli)
1 msk. hörfræolía
klakar
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Súkkulaðiparadís
fyrir 1-2
¾ bolli sojamjólk (frá Provamel)
½ bolli vatn
2 ½ tsk. lecitin granules
1 msk. hamp duft
½ tsk. acai duft
2 tsk. hrátt kakó
5 ferskar döðlur
1 stór frosinn banani
1 msk. hörfræjaolía
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Dúllusmoothie
fyrir 1-2
1 bolli sojamjólk
1 banani
1 msk. bee pollen
1 msk. hamp duft
1 msk. hörfræ
1 msk. hörfræolía
1 bolli frosin jarðaber
safi úr ½ límónu
cayenne pipar á hnífsoddi
smá klakar
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Skógarberjasmoothie
fyrir 1-2
¾ bolli sojamjólk frá Provamel
½ bolli vatn
1 msk. hamp duft
1 msk. lecithin granules
1 banani
1 bolli skógarberjablanda
klakar
1 msk. hörfræolía
Allt sett í blender og drukkið með bros á vör. Gott er að setja hörfræjaolíuna út í þegar allt hefur blandast vel saman og blanda henni saman við í örstutta stund.
Njótið!
Filed under: acai ber, bananar, Bækur, brómber, chili pipar, döðlur, hörfræ, hemp fræ, hindber, jarðaber, Morgunmatur, sítrus ávextir, sojabaunir, Uppáhalds, Vegan, 10 árum yngri á 10 vikum
maí 5, 2011 • 3:04 AM Comments Off
Uppskriftin inniheldur eftirfarandi krabbameinshamlandi fæðutegundir:
Ávextir: avókadó, jarðaber, banani, límóna
Krydd: cayenne pipar
Hnetur og fræ: hemp fræ
Uppskrift
fyrir 2
1 avókadó
2 bollar hemp mjólk (1 msk. flysjuð hemp fræ og 2 bollar vatn)
1 lítill banani
1 bolli frosin jarðaber
safi úr einni límónu
1-2 msk. agave síróp, eftir smekk
1/8 tsk. cayenne pipar
örlítið himalaya salt
Allt sett í blandara og drukkið með bros á vör.
Filed under: avokadó, bananar, chili pipar, hemp fræ, jarðaber, Morgunmatur, sítrus ávextir, Uppáhalds, Uppskriftir, Vegan
apríl 24, 2011 • 6:49 AM Comments Off
Gleðilega páska kæru lesendur. Mér fannst alveg nauðsynlegt að setja inn eina holla uppskrift í dag með örlitlu nammi útí. Þessi hafragrautur er líklega sá besti sem ég hef smakkað. Mórber eru algjört nammi og ekki skemmir fyrir hve einstaklega holl þau eru. Þau innihalda efnið resveratrol sem rannsóknir hafa endurtekið sýnt að geti unnið gegn krabbameini. Efnið er bólguhamlandi og vinnur gegn krabbameinsmyndun. Resveratrol finnst einnig í talsverðu mæli í rauðum vínberjum og er þar af leiðandi efnið sem gerir rauðvín “hollt”. Read the rest of this entry »
Filed under: hörfræ, mórber, Morgunmatur, sólblómafræ, Uppáhalds, hafragrautur, Hafragrautur með mórberjun, hörfræ, mórber, Resveratrol, sólblómafræ
