Máttur matarins

Fæða sem forvörn

apríl 24, 2011 • 6:49 AM Comments Off

Hafragrautur með mórberjum, sólblómafræjum og hörfræjum

Gleðilega páska kæru lesendur. Mér fannst alveg nauðsynlegt að setja inn eina holla uppskrift í dag með örlitlu nammi útí. Þessi hafragrautur er líklega sá besti sem ég hef smakkað. Mórber eru algjört nammi og ekki skemmir fyrir hve einstaklega holl þau eru. Þau innihalda efnið resveratrol sem rannsóknir hafa endurtekið sýnt að geti unnið gegn krabbameini. Efnið er bólguhamlandi og vinnur gegn krabbameinsmyndun. Resveratrol finnst einnig í talsverðu mæli í rauðum vínberjum og er þar af leiðandi efnið sem gerir rauðvín “hollt”. Read the rest of this entry »

About these ads

Filed under: hörfræ, mórber, Morgunmatur, sólblómafræ, Uppáhalds, , , , , ,

júlí 1, 2010 • 11:06 AM 1

Heimsins besti hafragrautur

Þennan graut bý ég til á hverjum morgni og allir hér á heimilinu borða hann af bestu list, þó svo að sumir borði kannski meira af þurrkuðu bláberjunum en aðrir. Hægt er að leika sér með þennan graut eins og manni hentar, bæta öðrum þurrkuðum ávöxtum í hann eða hnetum.

Uppskriftin inniheldur eftirfarandi krabbameinshamlandi fæðutegundir:
Ávextir: goji ber, bláber
Kornmeti og fræ: haframjöl, hörfræ

Uppskrift
fyrir 2-3

1 bolli tröllahafrar
1 bolli mjólk
2 bollar vatn
2-3 msk goji ber
1 msk hörfræ
1/2-1 tsk salt
Hemp fræ
Þurrkuð bláber

Hellið höfrum, mjólk, vatni, goji berjum, hörfræjum og salti í pott og látið suðuna koma upp. Þegar suðan er komin upp lækkið hitann og látið malla í u.þ.b.  8-10 mínútur eða þar til grauturinn er orðinn eins þykkur og þið viljið hafa hann. Hellið grautnum í 2-3 skálar og stráið hemp fræjum og þurrkuðum bláberjum yfir.

Add to DeliciousAdd to DiggAdd to FaceBookAdd to Google BookmarkAdd to Twitter

Filed under: goji ber, haframjöl, hörfræ, Morgunmatur, Uppáhalds, Uppskriftir, , , , ,

mars 28, 2010 • 1:39 PM Comments Off

Heimatilbúið múslí

Uppskriftin inniheldur eftirfarandi krabbameinshamlandi fæðutegundir:
Hnetur og fræ: pekanhnetur, sesam fræ, hörfræ
Kornmeti: haframjöl

Uppskriftin
gerir um 5 bolla af múslí

4 bollar gróft haframjöl
1/4 bolli kókosolía
3/4 bolli hunang
1 bolli rúsínur
1 bolli þurrkuð trönuber
1 og 1/2 bolli pekanhnetur
1/2 bolli sólblómafræ
5 msk sesamfræ
5 msk hörfræ
börkur af einni appelsínu (passa að rífa ekki of djúpt í appelsínuna, þá kemur beiskt bragð)

Hitið ofninn upp í 150 gráðum og hafið tilbúnar tvær bökunarplötur með bökunarpappír.

Bræðið kókosolíuna í potti og bætið hunanginu út og látið blandast vel saman. Hrærið haframjöli, hnetum, fræjum og appelsínuberki saman í stóra skál og bætið svo hunangsblöndunni saman við og hrærið vel, þar til allt haframjölið hefur dregið í sig smá af hunangsblöndunni.

Dreifið blöndunni á bökunarplöturnar og bakið í ofni fjórum sinnum í 10 mínútur. Takið s.s. út úr ofninum á 10 mínútna fresti og hrærið í. Blandið rúsínunum og trönuberjunum saman við þegar á eftir að baka blönduna í 10 eða 20 mínútur, eða sleppið og bætið við þegar búið er að rista alveg.

Add to DeliciousAdd to DiggAdd to FaceBookAdd to Google BookmarkAdd to Twitter

Filed under: haframjöl, hörfræ, Morgunmatur, pekanhnetur, sítrus ávextir, sesamfræ, Uppskriftir, , , ,

Krabbamein

Á hverju ári greinast yfir 12 milljónir manns í heiminum með krabbamein og yfir 7 milljónir deyja vegna sjúkdómsins. Þrátt fyrir þessar ógnvekjandi tölur er krabbamein sjúkdómur sem margir telja að hægt sé að koma í veg fyrir með heilbrigðum lífstíl og réttu mataræði. World Cancer Research Fund hefur fullyrt að þriðja hvert krabbameinstilfelli tengist beint lélegu mataræði og þá yfirleitt skorti á fæðu úr plönturíkinu. Af þessu leiðir að óhollt mataræði er orðið gífurlega alvarlegt vandamál í heiminum og er brýnt að gripið sé inn í með uppfræðslu um nauðsyn holls mataræðis og heilbrigðra lifnaðarhátta. Fjöldi rannsókna sýna fram á mátt vissra fæðutegunda til þess að vinna gegn krabbameinsfrumum í líkamanum og þannig uppbyggingu lífshættulegra meina.

Staðreyndir

Ekkert lyf eða vítamín getur komið í stað heilsusamlegs mataræðis, sem er uppfullt af næringu úr jurtaríkinu, snautt af mettaðri fitu, ríkt af fjölómettuðum omega-3 fitusýrum og þar sem trefjaríkar kornvörur eru kjölfestan í þeim kolvetnum sem borðuð eru.
Tengsl milli krabbameins og bólgu eru mikil og margar tegundir æxla virðast helst myndast í bólguvef. Ýmsir bólgusjúkdómar auka því líkurnar á krabbameini í viðkomandi líffærum.
Mikil neysla á fæðu sem inniheldur óholla fitu, sykur og rautt kjöt samfara skorti á fæðu úr jurtaríkinu veldur bólguhvetjandi ástandi í líkamanum, sem á sama tíma eykur líkurnar á myndun krabbameins.
Omega-3 fitusýrur eru bólguhemjandi á meðan omega-6 fitusýrur eru bólguhvetjandi. Því er mikilvægt að jafnvægi sé milli þessara tveggja fitusýra í líkamanum.
Flestir innbyrða u.þ.b. 25 sinnum meira af omega-6 fitusýrum en omega-3 fitusýrum. Þetta stuðlar að bólguviðbrögðum í líkamanum sem getur aukið líkurnar á krabbameini.
Enginn getur útrýmt hættunni á því að þróa með sér krabbamein. En fólk getur hins vegar minnkað líkurnar talsvert með því að taka ábyrgð á eigin heilsu og gera þær lífstílsbreytingar sem nauðsynlegar eru.

Hafa samband

Ég heiti Þórunn Steinsdóttir og er lögfræðingur og einnig mikil áhugamanneskja um matargerð, holla lifnaðarhætti og forvarnir gegn krabbameini. Ég eyði miklum tíma í matargerð og að kynna mér mikilvægi heilbrigðs mataræðis sem forvörn gegn krabbameini. Hér mun ég miðla upplýsingum um efnið og uppskriftum sem innihalda fæðutegundir sem vinna gegn krabbameini.
Endilega sendið mér tölvupóst ef upp vakna spurningar um efni síðunnar á matturmatarins@gmail.com.

Sláið inn tölvupóstfang og ýtið á "gerast áskrifandi"

Join 359 other followers

Flokkar

Follow

Get every new post delivered to your Inbox.

Join 359 other followers

%d bloggers like this: